tarajoo zindagi ka aur khwaab behisaab, kabhi kuch kam, kabhi kuch jyaada...
ek palda zindagi aur ek hissab yaad aata hai...
zindagi ka bhaar abhi jyada hai aur khwaab bas khwaab,
kabhi mukkaddar ki baaten, kabhi roti ko ladta ek pyaadaa...
oons ka sheesha din ko to chmakta hai par raat ki tithuran bhi hai
ek chain ki kothri, ek purana bistar yaado ka, ek jhoota darwaja aur tangi ki khidkiya...
bas khwaab hi to the vanha, aur kuch sannate shararato ke...
phir zindagi ka palda bhaari...ek palda mere that ek sach zindagi ka hai....
naseeb walo ko hoga saath apne aap ka, lekin pareshaan hai, na jane kyo...
taro ki beech hai doori, sannato ke beech bhi khaamoshi,
parchaiiyan saath nahi magar vo agal bagal hai vanha,
kabhi parchaiyaan saath thi, najane ab bas iss kadar andhera kyo....
rookhi bhook, sookhti pyaas, nam neend aur khaali gilaas,
ek khidki hai yanha lekin baahaar kuch bhi nahi,
kuch darwaaje bhi hai lekin sadke ab vo nahi,
kuch bhi nahi jeeneko aur marne bhi nahi deti ek aas...
tarajoo ka khel aur ek main,
hilte paldo ki justojoo, sach ki hansi,
ab bas chup hoon is najare pe,kabhi najare bolte the aur aaj kuch nahi...na waqt na main...